Hurmatli tadbirkorlar!

O'zbekiston Respublikasi Prezidentining 2019 yil 28 yanvardagi “O'zbekiston Respublikasi Investitsiyalar va tashqi savdo vazirligi faoliyatini tashkil etish to'g'risida”gi PF-4135-son Qarori 10 bandiga asosan “Tashqi savdo va eksport asoslari” mavzusi bo'yicha bepul kurslarni tashkil etish  belgilangan edi.

Tadbirkorlik faoliyati asoslarini o'qitish respublika markazi BMT Taraqqiyot dasturining “Savdoni rivojlantirishga ko'maklashish” loyihasi bilan hamkorlikda joriy yilning 18 fevralidan 23 fevraliga qadar Toshkent davlat iqtisodiyot universitetida, “pilot” tariqasida, tadbirkorlar uchun 22 soatli o'quv kursi o'tkazishga kelishib oldilar.

O'quv kursi O'zbekiston Respublikasi Investitsiyalar va tashqi savdo vazirligi va O'zbekiston Respublikasi Savdo-sanoat palatasi qo'llab-quvvatlashlari asosida tashkil etilmoqda.

Shu munosabat bilan, eksportga chiqishni mo'ljallayotgan tadbirkorlik sub'ektlari 18 fevraldan boshlanadigan “Tashqi savdo va eksport asoslari” kurslariga tinglovchi sifatida ishtirok etish uchun (71) 259-21-60 telefon raqami yoki nodirbek.yuldashev@alternatus.uz elektron pochta orqali o'z haqlarida ma'lumotlarni taqdim etishlari so'raladi. 

Joylar chegaralangan.

O'z SSP Axborot xizmati