13-14 aprel: “BankExpo-2016”

Bugungi kunda, yurtimizda kichik biznes va xususiy tadbirkorlik sub’ektlariga kursatilayotgan bank-moliya xizmatlarini targ‘ib etish va yaqindan tanishtirish maqsadida 2016 yilning 13-14 aprelь kunlari “Kurgazma Savdo Markazi” pavilьonida IX an’anaviy “BankExpo-2016” ko‘rgazmasi bo‘lib o‘tadi.

Mazkur ko‘rgazmani tashkil etishdan ko‘zlangan asosiy maqsad:

- bank tizimida amalga oshirilayotgan islohatlar va sohaning rivojlanish istiqbollari bo‘yicha aholi hamda tadbirkorlik sub’ektlarining xabardorlik darajasini oshirish;

- tijorat banklari tomonidan kursatilayotgan bank xizmatlarini keng yoritish, kichik biznes va xususiy tadbirkorlik sub’ektlari uchun joriy etilgan yangi kreditlash mexanizmlari va turlarini targ‘ib qilish;

- tadbirkorlik sub’ektlarini zamonaviy informatsion texnologiyalardan foydalangan holda ko‘rsatilayotgan bank xizmatlari, shuningdek bank texnologiyalari va uskunalari bilan yakindan tanishtirishdan iboratdir.