O'zbekiston Respublikasi Savdo-sanoat palatasi tomonidan Shvetsariya ishbilarmon doira vakillari bilan uchrashuv tashkil etildi.

23 oktabr kuni O'zbekiston Respublikasi Savdo-sanoat palatasida Shveytsariya ishbilarmon doira vakillari bilan uchrashuv bo'lib o'tdi, unda O'zbekiston va Shvetsariya davlatlari o'rtasidagi savdo-iqtisodiy aloqalar hamda aholiga xizmat ko'rsatish sohasidagi istiqbolli rejalar muhokama qilindi

Uchrashuvda Savdo palatasi raisining birinchi o'rinbosari I. Jasimov, Shveytsariya va MDH Savdo palatalari ittifoqi prezidenti, G. Mettan, Jeneva Savdo-sanoat palatasi bosh direktori V. Subilia ishtirok etishdi.

Uchrashuv davomida Shveytsariya delegatsiyasi O'zbekistonda investitsiya muhitini yaxshilash, iqtisodiyotni liberallashtirish, tadbirkorlarning qonuniy huquqlari va manfaatlarini himoya qilishni ta'minlash borasida amalga oshirilayotgan islohotlar bilan tanishdi.

Islom Jasimov o'z nutqida hozirgi kunda O'zbekistonda Shveytsariya kapitali ishtirokidagi 87 ta korxona faoliyat yuritayotganini ta'kidlab, kelgusi yillarda bunday korxonalar soni ko'payishiga umid bildirdi.

O'z navbatida, Gay Mettan samimiy qabul uchun minnatdorlik bildirdi va O'zbekiston-Shveytsariya hamkorligi, ta'lim, sog'liqni saqlash va bank xizmatlari sohasidagi rivojlanishga xizmat qilishini ta'kidladi.
Shundan ikki mamlakat ishbilarmon doira vakillari o'rtasida  "B2B" formatidagi uchrashuv tashkil etildi. Ishtirokchilar ,O'zbekiston-Shveytsariya savdo-iqtisodiy hamkorligini yanada rivojlantirish istiqbollarini, jumladan, O'zbekiston va Shveytsariya korxonalari o'rtasidag savdo-iqtisodiy aloqalari,bank-moliya,sog'liqni saqlash hamda ta'lim tizimini yanda isloh qilish va rivojlantirish bo'yicha fikr almashdilar. Unda mamlakatimizning 100 ga yaqin tadbirkorlik subyektlari ishtirok etdi.

Xozirgi kunda O'zbekistonda Shveysariya sarmoyadorlari ishtirokida 87 ta kompaniya faoliyat yuritmoqda. Shu jumladan 56 ta qo'shma korxona va 31 ta kompaniya 100% chet el kapitali bilan ish olib bormoqda. Shveysariyaning 31 kompaniyasining vakolatxonalari akkreditatsiyadan o'tgan, ular farmatsevtika, mashinasozlik, kimyo va oziq-ovqat sanoati, shuningdek sayyohlik xizmatlarini o'z ichiga oladi.

2018 yil  ikki mamlakat o'zaro tovaraylanmasi xajmi 169,63 mln.AQSH doll. tashkil etdi.

Eksport: xizmatlar (56,5%), qog'oz xamiri (31,4%), qora metallar (6,2%), elektr jihozlari (3,7%), sement (1,4%) va boshqalar.

Import: farmatsevtika mahsulotlari (26,7%), mexanik (28,0%) va elektr jihozlari (6,3%), xizmatlar (11,6%), oziq-ovqat mahsulotlari (5,7%), qurilish materiallari (8, 2%), optik asboblar va apparatlar (4,6%), kimyoviy mahsulotlar (2,3%), plastmassa (1,8%), transport vositalari (1,5%) va boshqalar.

SSP Axborot-xizmati