Qishloq xo‘jaligi texnikalarini ishlab chiqarish bo‘yicha davra suhbati bo‘lib o‘tdi

Joriy yilning 20 may kuni O‘zbekiston Savdo-sanoat palatasida respublikamizda qishloq xo‘jaligi texnikalarini ishlab chiqarishni yanada kengaytirish, ayniqsa paxta terish mashinalarini ishlab chiqarishda mavjud muammolarini hal etish hamda tarmoqda sanoat va ilm-fan o‘rtasida kooperatsiyani yo‘lga qo‘yish maqsadida qishloq xo‘jalik texnikalarini ishlab chiqaruvchi korxonalar va davlat organlari ishtirokida davra suhbatini bo‘lib o‘tdi.

Davra suhbatidan ko‘zlangan asosiy maqsad tarmoqda qishloq xo‘jaligi mashina va texnikalarini ishlab chiqarishda ilg‘or texnologiyalar va innovatsiyalarni joriy etish, zarur butlovchi qism va komponentlarni o‘zlashtirishda mavjud texnologiya va jihozlarni modernizatsiya qilishning istiqbollari, yangi turdagi qishloq xo‘jaligi texnikalarini ishlab chiqarish imkoniyatlarini muhokama etish hamda tarmoqni kelgusida rivojlanishini ta’minlashga qaratilgan taklif va tavsiyalarni ishlab chiqishdan iboratdir.

Ushbu tadbirda, O‘zbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Qishloq va suv xo‘jaligi vazirligi, Davlat bojxona qo‘mitasi, Davlat soliq qo‘mitasi, Markaziy bank, “O‘zagrosanoatmashxolding” XK, “O‘zstandart” agentligining mas’ul xodimlari va respublikamizda qishloq xo‘jaligi texnikalarini ishlab chiqarish sohasida faoliyat olib borayotgan sanoat korxonalari ishtirok etdilar.

Yig‘ilish davomida mavzuga oid bir qator masalalar atroflicha muhokama etildi.