Qoraqalpog‘iston Respublikasi Qonliko‘l tumanida aholi va tadbirkorlik sub'ektlari uchun “Tadbirkorlik faoliyati asoslari” o‘quv kurslari o‘tkazildi.

Qoraqalpog‘iston Respublikasi Qonliko‘l tumanida 3-7 fevral kunlari “Tadbirkorlik faoliyati asoslari” o‘quv kurslari tashkil etildi.

Mazkur o‘quv-seminarda tadbirkorlar va tadbirkorlik faoliyatini yo'lga qo'yish istagidagi bo‘lgan 96ta nafar tinglovchi ishtirok etdi. Shundan, 8tasi tadbirkorlar. 88tasi aholi va yoshlardir.

Tadbirni tuman xokimining iqtisodiyot va tadbirkorlik masalalari buyicha birinchi o‘rinbosari A.Abdurazakov ochdi va Tadbirkorlik faoliyati asoslarini o‘qitish respublika markazi Qoraqalpog‘iston Respublikasi filiali rahbari G.Rzaeva  ma'ruza kilib, biznes g‘oya yaratish, boshqarish va rejalashtirishgacha bo'lgan jarayonlarni taqdimot orqali tushuntirib berdi.

O‘quv seminari doirasida Qonliko‘l tumani Davlat hizmatlari markazi mutaxassisi Kudenov D., Iqtisodiyot va sanoat bo'limi boshlig'i Pirnazarov A..tuman moliya bo'limi boshlig'i, va Agrobank tuman filiali bo'limi, soliq inspeksiyasi, bandlik va mehnat munosabatlari tuman bo'limi, O‘zRTXB respublika filiali, bojxona bosh boshqarmasi, O‘zLiDeP apparat kengashi, Favqulotda vaziyalar vazirligi Savdo-sanoat palatasi respublika boshqarmasi, Yer resurslari va davlat  kadastr  boshqarmasi  va  "Yoshlar-kelajagimiz" tuman kengashi  jamg‘armasidan malakali mutaxassislar qatnashib o‘zlarining sohalarida bo‘layotgan yangiliklarni tinglovchilarga ma'ruza qilishdi.

Ular tomonidan tadbirkorlik faoliyati boshlamokchi bulgan yigit-qizlarga hukumatimiz tomonidan kichik biznes va xususiy tadbirkorlikni rivojlantirish uchun joriy etilayotgan imkoniyatlardan oqilona foydalanish uchun tavsiyalar berildi.

O‘quv seminarlarning asosiy maqsadi yoshlarning tadbirkorlikdagi malaka va ko'nikmalarini oshirish hamda ularning bandligini ta'minlashdan iborat bo'lib, ularning jamiyatda o‘z o‘rinlarini topishlariga, intellektual va ma'naviy jihatdan o'sishlariga, ijtimoiy-siyosiy va iqtisodiy hayotda faol ishtirokini ta'minlashga qaratildi.

SSP Axborot-xizmat