Bugun Birinchi Xalqaro aviatsiya va logistika forumi “Uzbekistan Aviation, Airports & Logistics Forum 2020” o‘z ishini boshladi

Bugun, 19 fevral kuni, Toshkent shahridagi “O‘zekspomarkaz" milliy ko‘rgazma pavilonida “Uzbekistan Aviation, Airports & Logistics Forum 2020” Birinchi Xalqaro aviatsiya va logistika forumi bo‘lib o‘tmoqda.

Mazkur forum O‘zbekiston Respublikasi Prezidentining “O‘zbekiston Respublikasida turizm sohasini yanada rivojlantirish chora-tadbirlari to‘g‘risida” gi qaroriga muvofiq o‘tkazilmoqda. Shuningdek, ushbu xalqaro aviatsiya forumi har yili o‘tkazilishi ko‘zda tutilgan.

Ushbu tadbirning maqsadi mamlakatga xorijiy aviakompaniyalarni jalb qilish, jahon hamjamiyatining aviatsiya va transport soxasidagi isloxotlar  va turizm sohasida respublikada amalga oshirilayotgan chora tadbirlar to‘g‘risida xabardor qilish va mamlakatimizning turli shaharlarining sayyohlik salohiyati to‘g‘risida ma’lumotlar taqdim etishga qaratilgan.

Eslatib o‘tamiz, mazkur forum 20 fevralga qadar davom etadi.

SSP Matbuot xizmati