O‘zbekiston Respublikasi Adliya vazirligi qoshidagi Yuristlar malakasini oshirish markazi bilan o‘zaro hamkorlik to‘g‘risidagi memorandum imzolandi.

2020 yilning 19 fevral kuni O‘zbekiston Respublikasi Adliya vazirligi qoshidagi Yuristlar malakasini oshirish markazida respublikamiz  Oliy Majlis Senati Mudofaa va havfsizlik masalalari va Fan, ta'lim va sog‘liqni saqlash masalalari qo‘mitalari, O‘zbekiston Xotin-qizlar qo‘mitasi, O‘zbekiston Hakamlik sudlari Assosiasiyasi, O‘zbekiston Savdo-sanoat palatasi, Milliy Gvardiya Harbiy-texnik instituti, oliy ta'lim hamda malaka oshirish muassasalari professor-o‘qituvchilari va yetakchi mutaxassislari hamda vazirlik va idoralar vakillari ishtirokida “O‘zbekiston Respublikasida yangi avlod kadrlari malakasini oshirish tizimining nazariy va amaliy muammolari” mavzusida Respublika davra suhbati bo‘lib o‘tdi.

Ushbu davra suhbatda O‘zbekiston Respublikasi Prezidenti Sh.Mirziyoevning Oliy Majlisga Murojaatnomasida belgilangan vazifalarni amalga oshirish maqsadida, kadrlar malakasini oshirish muassasalari faoliyatidagi ilg‘or tajribalarni o‘rganish, tizimdagi mavjud muammolarni aniqlash va ularni bartaraf etish yo‘llarini ishlab chiqish masalalari ko‘rib chiqildi.

Mazkur tadbirda Savdo-sanoat palata Raisining birinchi o‘rinbosari I.Jasimov hamda Palata xodimlari B.Nazarov, D.Abdukodirovalar ishtirok etishdi. Tadbir yakunida O‘zbekiston Respublikasi Savdo-sanoat palatasi va O‘zbekiston Respublikasi Adliya vazirligi qoshidagi Yuristlar malakasini oshirish markazi o‘rtasida o‘zaro hamkorlik to‘g‘risidagi memorandum imzolandi.

SSP Axborot xizmati