Farg‘onada "Biznes yaratish yo‘lidagi yetti qadam" seminarlari davom etmoqda.

2020 yilning 2 mart kuni Farg‘ona viloyati Yozyovon tumani Soybo‘yi MFYda "Biznes yaratish yo‘lidagi yetti qadam" o‘quv seminari tashkil qilindi.

Ushbu o‘quv seminarda Tadbirkorlik faoliyati asoslarini o‘qitish respublika markazi Farg‘ona filiali rahbari I.Ataismatov "Biznes yaratish yo‘lidagi yetti qadam" mavzusiga bag'ishlangan taqdimoti bilan ishtirok etib, tashrif buyurganlarga tadbirkorlik faoliyatini boshlashda e'tibor qaratish lozim bo'lgan yetti asosiy jihatlar bilan tanishtirib o'tdi.

Bundan tashqari Yozyovon tumani hokimining iqtisodiyot va Tadbirkorlik masalalari bo‘yicha birinchi o‘rinbosari Tojixakimov Shuxrat "Hududlarda Tadbirkorlik faoliyatini yuritishdagi shart sharoitlar va qo‘llab quvvatlash tadbirlari", Yozyovon tumani davlat xizmatlari markazi mutaxassisi O.Sulaymonov "Biznesni ro‘yxatdan o‘tkazish va ruxsat beruvchi xujjatlarni olish",  Xalq banki boshqaruvchi o‘rinbosari Raxmonov Otabek "Biznes rejani ishlab chiqishda asosiy tamoyillar.Garov" mavzularda ma'ruza qilishdi. O‘quv seminarda 75 nafar yoshlar va tadbirkorlik qilish istagini bildirgan aholi vakillari qatnashdilar.

SSP Axborot-xizmat