Samarqand viloyatida tadbirkorlar qabuli o‘tkazildi

2020 yilning 9 mart kuni O‘zbekiston savdo-sanoat palatasi Samarqand viloyat hududiy boshqarmasida Samarqand viloyatinining hokimligi tomonidan tadbirkorlikni rivojlantirishga to‘siq bo‘layotgan muammoli masalalarni ko‘rib chiqish, byurokratik to‘siqlarni bartaraf qilish, tadbirkorlarning murojaatlarini tinglash orqali ularga tezkor yechim topish maqsadida tadbirkorlar bilan uchrashuv o‘tkazildi. 

O‘tgan hafta davomida savdo-sanoat palatasining hududiy boshqarmasiga tadbirkorlar va tadbirkorlik sub'ektlari tomonidan 27 ta murojaat kelib tushdi. Uchrashuvga qadar ishchi organ tegishli tashkilotlar bilan hamkorlikda 15 nafar tadbirkorlarni qiynab kelayotgan masalalarga amaliy yordam ko‘rsatildi. 

Mas'ul mutasaddilar tomonidan tadbirkorni qanoatlantiruvchi yechim topilmagan yoxud ijrosi muddat talab etiladigan 12 ta masalalar bevosita tadbirkorlar bilan uchrashuvda atroflicha muhokama etildi. Tadbirkorlar tomonidan kredit ajratish, mulkka egalik huquqini olish, yer maydoni ajratish, lisenziya va ruxsatnoma olish bilan bog‘liq masalalar ko‘tarildi.

Ba'zi murojaatlarga aniq muddat bilan mas'ullar biriktirilgan bo‘lsa, ba'zilariga huquqiy tushunchalar berildi. Yana ba'zilari bo‘yicha prokuratura idoralari tomonidan o‘rganish olib borilishi belgilab olindi. 

Shuningdek, uchrashuv davomida viloyat yer resurslari davlat kadastri boshqarmasi boshlig‘i S.Hakimov, Samarqand tumani hokimining o‘rinbosari I.Komilov, viloyat kichik sanoat zonalari direksiyasi boshlig‘i A.Yusupov va mutasaddilarning o‘z vazifalarini bajarishdagi qo‘pol xatoliklari hamda jismoniy va yuridik shaxslarning murojaatlariga belgilangan muddatlarda munosabat bildirmaganliklari uchun tegishliligi bo‘yicha javobgarlik masalalari ko‘rib chiqilishi ma'lum qilindi.

SSP Axborot xizmati