Savdo-sanoat palatasida “Litsenziya va ruxsatnomalarni 2 barobarga qisqartirish” mavzusida Ekspert kengashining yig‘ilishi bo‘lib o‘tdi

O‘zbekiston Respublikasi Prezidenti 2020 yil 24 - yanvardagi Oliy Majlisga qilgan Murojaatnomasida tadbirkorlik sohasidagi litsenziya va ruxsatnomalarni kamida 2 barobarga qisqartirish lozimligini ta'kidlab o‘tdi. Ushbu masala yuzasidan tadbirkorlik subyektlari fikrlarini aniqlash maqsadida joriy yilning 9 mart kuni Savdo-sanoat palatasida Palata huzuridagi huquqiy masalalar bo‘yicha Ekspert kengashining navbatdagi yig‘ilishi bo‘lib o‘tdi.

Yig‘ilish videokonferensiya shaklida bo‘lib, unda 200 ga yaqin tadbirkorlik subySavdo-sanoat palatasida “Lisenziya va ruxsatnomalarni 2 barobarga qisqartirish” mavzusida Ekspert kengashining yig‘ilishi bo‘lib o‘tdiektlari ishtirok etdi.

Yig‘ilishda sog‘liqni saqlash, farmasevtika hamda veterinariya sohalarida faoliyat yurituvchi tadbirkorlar mazkur sohalarda mavjud bo‘lgan lisenziya va ruxsatnomalarni qisqartirish, ularni berish jarayonini soddalashtirish yuzasidan o‘z fikr-mulohazalarini hamda bir qator takliflarni bildirishdi.

Xususan, sog‘liqni saqlash sohasida faoliyat yuritaetgan ayrim tadbirkorlar ushbu faoliyat uchun litsenziya shart degan fikrni bildirgan bo‘lsalar, shu sohaning boshqa vakillari esa ayrim litsenziya talablarini soddalashtirish lozim degan fikrni bildirishdi. Shuningdek, farmasevtika sohasidagi ayrim litsenziya turlarini birlashtirish, ayrimlari bo‘yicha esa litsenziya talablarini soddalashtirish, shuningdek ba'zi litsenziya turlarini qoldirish bo‘yicha takliflar bildirib o‘tildi.

Bundan tashqari, veterinariya sohasida faoliyat yurituvchi tadbirkorlar tomonidan mazkur yo‘nalishda ba'zi litsenziya turlari zarurligi, ba'zilarini bekor qilish lozimligi, shuningdek ayrim litsenziya talablarini soddalashtirish lozimligi ta'kidlandi.

Yig‘ilish yakunida Savdo-sanoat palatasi Raisining birinchi o‘rinbosari I.Jasimov tadbirkorlarning taklif va mulohazalari yig‘ilish Bayoniga kiritilishini hamda tegishli tashkilotlarga yuborilishini ma'lum qildi

SSP Axborot-xizmati