Savdo-sanoat palatasi ko‘magida tadbirkorlarning huquqiy manfaatlari qayta tiklandi.

O‘zbekiston Savdo-sanoat palatasi Farg‘ona viloyat xududiy boshqarmasi tomonidan, palata a'zosi «Nozim Diyor AC Qurilish» MChJ ning manfatini ko'zlab javobgardan 973 037 194 so‘m miqdoridagi  qarzdorlikni undirish  yuzasidan Shahrisabz tumanlararo Iqtisodiy sudiga da'vo ariza bilan murojaat qilingan.

Sud  tomonidan 2020 yil 27-fevral kuni 4-1801-2001/49-sonli chiqarilgan hal qiluv qarori bilan «Nozim Diyor AC Qurilish» MChJning da'vo talabi to‘liq qanoatlantirildi, ya'ni qiymati  973 037 194 so‘m bo'lgan qarzdorlik to‘liq undirildi, shu bilan birga mazkur hududiy boshqarma tomonidan yana bir tadbirkorlik subyektiga xuquqiy yordam ko‘rsatildi.

Ya'ni  palata a'zosi «FARGONAAZOT» AJ ning manfatini ko'zlab qiymati  2 937 851 188 so‘m bo‘lgan qarzdorlikni undirish  yuzasidan Termiz tumanlararo Iqtisodiy sudiga da'vo ariza bidan murojaat qilindi va sudning ijobiy hal qiluv qaroriga binoan «FARGONAAZOT» AJga qarzdorlik summasi va penya to‘lovlari to‘laqonli undirib berildi.

Agarda sizning xam tadbirkorlik faoliyatingizda shunga o‘xshash holatlar kuzatilsa, o‘z hududingizda joylashgan Savdo-sanoat palatasi hududiy boshqarmasiga yoki @SSP_press akkauntlariga murojaat qilishingiz mumkin.

SSP Axborot-xizmati