O‘zbekiston Savdo-sanoat palatasi tomonidan Toshkent viloyatidagi tadbirkorlik subyektlarining faoliyatini o‘rganish davom etmoqda

Avval xabar berganimizdek, SSP tomonidan koronavirus pandemiyasi davrida Toshkent viloyatidagi tadbirkorlik subyektlarining o‘z faoliyatini tashkil etish ahvoli o‘rganilmoqda.

Joriy yilning 5 iyun kuni O‘zbekiston Savdo-sanoat palatasi Raisining birinchi o‘rinbosari I.Jasimov, Palataning boshqarma boshlig‘i A.Seytekov, Toshkent viloyat hududiy boshqarma boshlig‘i U.Akbarov, Tadbikorlikka ko‘maklashish markazlari, tuman hokimlarining birinchi o‘rinbosarlari hamda tuman sanitariya-epidemiologiya nazorati inspeksiyasi vakillari ishtirokida Toshkent viloyatining Zangiota va Toshkent tumanlaridagi tadbirkorlik sub'ektlari faoliyati, ularning muammolari va koronavirus pandemiyasi davrida karantin qoidalariga amal qilgan holda ishni tashkil etganligi o‘rganildi.

Jumladan, Toshkent tumanida faoliyat yuritayotgan “Izzat” FX va “White healthy life style” XK hamda Zangiota tumanidagi “Takro Osiyo“ MChJ va “Technologies Of Real Time” MChJlarning faoliyati o‘rganilib, ular tomonidan koronavirus pandemiyasi davrida karantin qoidalariga rioya etgan holda ishlab kelayotganlari aniqlandi.

Shu bilan birga, tadbirkorlarga karantin qoidalariga rioya etish bo‘yicha tegishli tavsiyalar berildi hamda ular tomonidan bildirilgan muammolar muhokama etilib ularni hal etish bo‘yicha choralar belgilab olindi.

SSP Matbuot xizmati