Biznes-ombudsman boshchiligidagi Respublika ishchi guruhi Quva tumanida faoliyat yuritayotgan tadbirkorlik sub'ektlari bilan uchrashdi.

Biznes-ombudsman boshchiligidagi Respublika ishchi guruhining Farg‘ona viloyatining shahar va tumanlarida tadbirkorlar bilan uchrashuvlari davom etmoqda. .

2020 yil 20 iyun' kuni navbatdagi uchrashuv Farg‘ona viloyatining Quva tumanida Biznes Ombudsman, Adliya vazirligi, Savdo-sanoat palatasi, viloyat prokuraturasi, viloyat hokimligi hamda tegishli mutasaddi tashkilot vakillari ishtirokida tumandagi tadbirkorlar bilan uchrashuv bo‘lib o‘tdi.

Uchrashuv davomida tadbirkorlikni rivojlantirishga to‘sqinlik qilayotgan va ularni qiynayotgan muammolar ochiq oydin aytib o‘tildi.

Ayniqsa, kredit olish, fermer xo‘jaliklarining yerlari samarasiz foydalanilmoqda degan sabab bilan olib qo‘yilganligi kabi muammolar, infratuzilma masalalari hamda savdo majmuasida faoliyat yuritayotgan tadbirkorlarni qo‘llab-quvvatlash masalalariga alohida e'tibor qaratildi. Ayrim hunarmand va fermerlardan takliflar ham kelib tushdi. Ko‘plab muammolar joyida hal etildi.

SSP Axborot-xizmat