Korrupsiyaga qarshi kurashish agentligi huzurida Jamoatchilik kengashini tashkil etish bo‘yicha yig‘ilish bo‘lib o‘tdi

Joriy yilning 2 oktyabr kuni Korrupsiyaga qarshi kurashish agentligida Oliy Majlis Senati a'zolari, Qonunchilik Palatasi deputatlari va nodavlat notijorat tashkilotlari hamda Savdo-sanoat palatasi vakillari ishtirokida Agentlik qoshida Jamoatchilik kengashini tashkil etish bo‘yicha yig‘ilish bo‘lib o‘tdi.

Yig‘ilishda korrupsiyaning oldini olish bo‘yicha davlatimiz tomonidan olib borilayotgan ishlar, Korrupsiyaga qarshi kurashish agentligining faoliyati va amalga oshirilayotgan ishlari, kelgusidagi rejalari hamda korrupsiyaga qarshi kurashish samaradorligini oshirish maqsadida Jamoatchilik kengashini tashkil etish masalasi ko‘rib chiqildi.

Yig‘ilish yakunida, Jamoatchilik kengashini tashkil etish bo‘yicha ishtirokchilar takliflari inobatga olinib, Kengash faoliyatini tashkil etish masalasi muhokama qilindi

SSP Axborot-xizmati