O‘zbekiston Respublikasi Savdo-sanoat palatasi tomonidan Qashqadaryo viloyati Nishon tumanida amalga oshiriladigan ishlar to‘g‘risida.

Nishon tumanini ijtimoiy-iqtisodiy rivojlantirish hamda investitsion salohiyatini oshirish masalalariga Savdo-sanoat palatasi mas'ul etib biriktirildi.

Shunga ko‘ra, Nishon tumanida muammolarni o‘rganib chiqish va tezkor hal etish maqsadida Savdo-sanoat palatasi raisi A.Ikramovning maxsus shtabi tashkil etildi.

Nishon tumanida ijtimoiy infratuzilma rivojlantiriladi, mahallalar, ko‘chalar obodonlashtiriladi, kommunal ta'minot va aloqa tizimlari sifati yaxshilanadi, mavjud ijtimoiy ob'ektlar rekonstruksiya qilinib, yangilari barpo etiladi.

Shuningdek, Maxsus shtab tomnidan quyidagi masalalarni hal etish yuzasidan chora-tadbirlar amalga oshirilishi belgilangan:

• Hududlarni kompleks rivojlantirish, qurilish va kommunikasiyalar masalalari;
• Makroqtisodiy tahlil, tarkibiy o‘zgartirishlar, moliya-bank tizimi, tadbirkorlikni qo‘llab-quvvatlash va kambag‘allikni qisqartirish masalalari;
• Investisiyalar va tashqi iqtisodiy aloqalar masalalari;
• Agrar va oziq-ovqat sohalarini rivojlantirish masalalari;
• Ijtimoiy sohani rivojlantirish masalalari;
• Mahallaning o‘rni va rolini kuchaytirish, ayollarning jamiyatdagi rolini kuchaytirish va yoshlar uchun shart-sharoitlar yaratish masalalari;
• Turizm, jismoniy tarbiya va sport masalalari;
• Aholi bandligini ta'minlash va kambag‘allikni qisqartirish borasida ham chora-tadbirlar amalga oshiriladi.

Bu boradagi ishlarni tashkiliy jihatdan samarali amalga oshirish maqsadida Savdo-sanoat palatasi davlat tashkilotlari, jumladan, vazirliklar, qo‘mitalar va agentliklar, uyushmalar, banklar hamda moliya tashkilotlari bilan o‘zaro hamkorlikni amalga oshirib kelmoqda.  

SSP Axborot-xizmati