SSP raisi o‘rinbosari tomonidan Al-Horazmiy mahallasining ijtimoiy holati o‘rganildi.

Xabar berganimizdek, Davlatimiz rahbarining 20-noyabr kuni Chilonzor tumaniga tashrifi davomida belgilab berilgan vazifalarni ijrosini taminlash maqsadida, SSPga biriktirilgan Chilonzor, Mirobod, Shayxontoxur tumanlari aholisini turmush sharoitini yaxshilash maqsadida tegishli tashkilotlar bilan birgalikda mahallalardagi holat bilan tanishilmoqda.

Shu munosabat bilan joriy yilning 13-dekabr kuni Savdo-sanoat palatasi raisining o‘rinbosari F.M.Toshpo‘latov poytaxtimizning Al-Xorazmiy mahallasiga tashrif buyurdi.

Tashrif davomida mahalla faollari va tegishli idoralar vakillari bilan birgalikda hududda joylashgan ko‘p qavatli uylar va ularning yer to‘lalari holati o‘rganildi.

Fuqarolar bilan to‘g‘ridan-to‘g‘ri muloqotlar o‘tqazildi. 

Savdo-sanoat palatasiga biriktirilgan tumanlarning ijtimoiy holatini o‘rganish, palataning maxsus shtabi tomonidan davom ettirilmoqda. 

SSP Axborot-xizmati