Samarqand shahridagi mavjud kasbga oʼrgatish markazlari oʼrganildi.

Oʼzbekiston Respublikasi Prezidentining Sh.M.Mirziyoev tomonidan joriy yil 25 dekabr kuni oʼtkazilgan “Oʼzbekiston yoshlari forumi”da yoshlarda ijobiy motivatsiya, biznes va tadbirkorlik sohasida zarur bilim va malakalarni shakllantirish, shu orqali ularni tadbirkorlikka jalb etish va bandligini taʼminlash boʼyicha “Har bir tadbirkor – yoshlarga madadkor” tashabbusi asosida “Yoshlar: 1+1” dasturi doirasida hududlarda ishsiz va uyushmagan yoshlarni kasb-hunar va tadbirkorlik koʼnikmalariga oʼqitishni tashkil etish zarurligi taʼkidlangan edi.  

Shu munosabat bilan Savdo-sanoat palatasi raisi oʼrinbosari F.Usmanov Samarqand shahriga hizmat safari bilan tashrif buyurdi. Tashrif davomida Samarqanda mavjud boʼlib turgan kasbga oʼqitish markazlari holati oʼrganildi. Mutasaddilar tomonidan yoshlarni kasbga va tadbirkrlik asoslariga oʼqitish maqsadida oʼquv markazlarida tashkil etilgan imkoniyatlar bilan batafsil tanishtirildi.

Shu bilan birga mazkur kasbga oʼqitish markazlarida bir qancha kasb turlariga bir vaqtda oʼqitish imkoniyati mavjud boʼlib, buning uchun maxsus jihozlar bilan taminlangani va mutaxassislar jalb qilinayotgani alohida taʼkidlab oʼtildi. Bundan tashqari Palata raisi oʼrinbosari tomonidan mavjud imkoniyatlardan foydalangan holda yoshlarni kasbga oʼqitish ishlarini sifatli va samarali tashkil qilish boʼyicha taklif va topshiriqlar berildi. 

SSP Аxborot-xizmati