Savdo-sanoat palatasi raisi А.Ikramov Saudiya Аrabistoni ishbilarmon doira vakillari bilan onlayn muloqot oʼtqazdi

2021 yil 18 yanvar kuni Savdo-sanoat palatasi raisi А.Ikramov Saudiya Аrabistoni Milliy kompaniyalarni ragʼbatlantirish dasturi bosh direktori Badr-Аl-Badr hamda Saudiya Аrabistoni Savdo-sanoat palatasi vakillari bilan onlayn uchrashuv oʼtkazdi.

Mazkur uchrashuvda 22 yanvar kuni Saudiya Аrabistoni Investitsyalar vaziri Khalid Аl-Falih boshchiligidagi delegatsiyaning Oʼzbekistonga tashrifi doirasida tashkil etiladigan investitsiya forumi va “B2B” muzokaralarni samarali tashkil etish masalalri muhokama qilindi.

Shuningdek mazkur forumga taklif etilgan ikki mamlakat tadbirkorlari oʼrtasida hamkorlik kelishuvlariga erishish va forum doirasda turli muzokaralar oʼtkazish rejalashtirildi. Muloqot davomida Saudiya Аrabistoni vakillari tomonidan taklif etiladigan tadbirkorlar roʼyhati  shuningdek forum va muzokaralar yuzasidan Saudiya Аrabistoni nomidan bir qator takliflarini bildirishdi.

SSP Аxborot-xizmati