SSP raisi Misr Аrab Respublikasining Oʼzbekistondagi Favqulodda va Muhtor elchisi bilan uchrashdi

19 yanvar kuni Savdo-sanoat palatasi rais Аdham Ikramov Misr Аrab Respublikasining Oʼzbekistondagi Favqulodda va Muhtor elchisi Аmira Faxmiy bilan uchrashdi.

Shuningdek mazkur uchrashuvda Misr Аrab Respublikasining Oʼzbekiston Respublikasidagi elchixonasining birinchi kotibi Xaled Fekriy hamda Savdo-sanoat palatasi raisining oʼrinbosari Fariz Usmanov ishtirok etdi.

Uchrashuv davomida ikki mamalakat oʼrtasidagi savdo-iqtisodiy va sarmoyaviy hamkorlikni yanada kuchaytirish, ishbilarmon doira vakillari oʼrtasida “B2B” muzokaralar tashkil etish masalalari muhokama qilindi.

Shuningdek Savdo-sanoat palatasi tomonidan Misr Аrab respublikasi ishbilarmon doiralar delegatsiyasining Oʼzbekistonga boʼlajak tashrifi munosabati bilan Ishbilarmonlar kengashining birinchi yigʼilishini tashkil etish taklifi bildiridi. Qolaversa, biznes vakillari ishtirokida onlayn formatdagi uchrashuvlarni tashkil etish hamda kelishuvlarga erishish ikki mamlakatning iqtisodiy aloqalarini yanada mustahkamlashning asoslaridan biri ekanligi taʼkidlab oʼtildi.

Maʼlumot uchun: 2020 yil noyabr oyida oʼzaro savdo-aylanmasi koʼrsatkichlari 17,2 mln. dollarni tashkil etdi, shu jumladan oʼzbek maxsulotlarining eksport xajmi - 15,4 mln., import esa - 1,8 mln. dollarni tashkil etdi.

SSP Matbuot xizmati