Savdo-sanoat palatasida Oʼzbekiston Respublikasi Prezidentining Oliy Majlisga Murojaatnomasi mazmun mohiyatiga bagʼishlangan targʼibot tadbiri tashkil etildi

Joriy yilning 21 yanvar kuni Savdo-sanoat palatasida Oʼzbekiston Respublikasi Prezidentining Oliy Majlisga Murojaatnomasi mazmun mohiyatiga bagʼishlangan targʼibot tadbiri tashkil etildi. Mazkur tadbirga Oʼzbekiston Davlat Jahon tillari universiteti dotsenti Muitov Davron Sobirovich taklif qilindi. Shuningdek mazkur tadbirda Savdo-sanoat palatasi Raisining birinchi oʼrinbosari Islam Djasimov hamda Savdo-sanoat palatasi hodimlari ishtirok etishdi. Tadbir davomida dotsent D.Muitov tomonidan Oʼzbekiston Respublikasi Prezidentining Oliy Majlisga yoʼllagan murojaatnomasida taʼkidlab oʼtilgan masalalarning mazmun mohiyati, shuningdek amalga oshirilishi lozim boʼlgan oʼzgarishlarning ahamiyatli jihatlari toʼgʼrisida maʼlumotlar berildi.

Hususan mamlakatimizda taʼlim sohasiga qaratilayotgan eʼtibor, yaratib berilayotgan imkoniyatlar va mazkur sohada korruptsiya tizimini yoʼq qilish borasida amalga oshirilayotgan ishlarga alohida urgʼu berildi. Savdo-sanoat palatasi Raisining birinchi oʼrinbosari I.Djasimov, Savdo-sanoat palatasi tomonidan ilgari surilgan “Har bir tadbirkor - yoshlarga madadkor” tashabbusi toʼgʼrisida gapirib, mazkur tashabbus ham yoshlar bandligini taʼminlashning yana bir asosiy ommili ekanligini taʼkidlab oʼtdi. Targʼibot tadbiri davomida Palata hodimlari tomonidan oʼzlarini qiziqtirgan savollar berilib, mutahassis tomonidan batafsil javoblar  olindi.

SSP Matbuot xizmati