Ishlab chiqarish salohiyatini oshirish uchun hududiy eksport shtablari tuzildi

Mamlakatimizda amalga oshirilayotgan tizimli islohotlarni kengaytirish, ishbilarmonlik muhitini yanada yaxshilash, ishlab chiqarish salohiyatini yuksaltirish, eksportning barqaror oʼsishini taʼminlash maqsadida, Oʼzbekiston Respublikasi Prezidentining 2021 yil 14 yanvar kunidagi“2021 yilda Oʼzbekiston Respublikasining eksport salohiyatini amalga oshirish chora-tadbirlari toʼgʼrisida”giPQ-4949-son Qarori imzolandi.

Ushbu Qarorga koʼra, 2021 yilda respublika eksport salohiyatini tiklash va yanada kengaytirish boʼyicha Xukumat komissiyasi Investitsiyalar va tashqi savdo vazirligining hududiy boʼlinmalarida joylashtirilgan holda hududiy eksport shtablari tashkil etiladi.

Taʼkidlash joizki, Respublika komissiyasi tarkibiga Savdo-sanoat palatasi raisi А.Ikramov, hududiy komissiyasi tarkibiga Palata hududiy boshqarmalari kiritilgan.

Shu bilan birga, Xukumat komissiya 10 kun muddat ichida “ishlab chiqarishdan to xorijiy isteʼmolchigacha” tamoyili asosida eksportchi tashkilotlargakoʼmaklashishda tegishli vazirliklar, idoralar, tijorat banklari va mahalliy davlat boshqaruv organlari “gorizontal va vertikal oʼzaro hamkorlikda ishlash” mexanizmi boʼyicha oʼz faoliyatini yuritadi.

2021 yil 1 apreldan boshlab, mahalliy eksportchi korxonalarning savdo uylarini ochish va saqlash, ofis, savdo va ombor binolarini ijaraga olish, shuningdek, reklama kompaniyalarini tashkil qilish bilan bogʼliq chet eldagi harajatlarining 50 foizini Investitsiya va tashqi savdo vaziriligi huzuridagi Eksportni ragʼbatlantirish agentligi mablagʼlari hisobidan qoplab beriladi.

2019 yil 6 iyundagi VMQ-464-sonli Vazirlar Mahkamasi Qaroriga koʼra, Eksport va investitsiyalarni rivojlantirish masalalari boʼyicha Xukumat komissiyasiga Tashqi savdo shartnomalari yuzasidan debitor va kreditor qarzdorligini kamaytirish boʼyicha doimiy faoliyat respublika ishchi guruhining vazifa va vakolatlari yuklatiladi.

Mazkur Qaror mamlakatimizda tadbirkorlikni keng rivojlantirish, aholini ish bilan taʼminlash, davlatimizning investitsiyaviy imidjini oshirish va mahalliy eksportchi korxonalarni ragʼbatlantirishga xizmat qiladi. 

SSP Matbuot xizmati