Huquq va qonuniy manfaatlarini himoya qilishda amaliy yordam soʼragan tadbirkor murojaati qanoatlantirildi

Oʼzbekiston Savdo-sanoat palatasiga Palata aʼzosi «Xalq sugurta» MChJ murojaat qilib, huquq va qonuniy manfaatlarini himoya qilishda amaliy yordam soʼragan.

«Xalq sugurta» MChJ murojaati oʼrganib chiqilganda jamiyat va respublikada faoliyat yuritayotgan tijorat banklarning biri oʼrtasida omonat saqlash shartnomalari tuzilgan boʼlib, ularga koʼra jami 4 mlrd. soʼm miqdorida mablagʼ depozitga quyilgan.

Palata aʼzosi Fuqorolik kodeksining 762-moddasiga asosan bankka omonat summani qaytarish boʼyicha bir necha marotaba murojaat qilgan. Biroq, bank tomonidan omonat summasini shartnomalarda belgilanagan muddatlarda qaytarmagan.

Depozitga qoʼyilgan omonat mablagʼlarini qaytarish toʼgʼrisida Savdo-sanoat palatasi tomonidan «Xalq sugurta» MChJ manfaatida bankka nisbatan sudga daʼvo ariza bilan murojaat qilingan.

Toshkent tumanlararo iqtisodiy sudining hal qiluv qarori tirojat banki hisobidan «Xalq sugurta» MChJ foydasiga 4 mlrd. soʼm miqdorida asosiy qarz, 268 mln. soʼm miqdorida penya undirib berilgan va, shu tariqa, Palata aʼzosining huquq va qonuniy manfaatlari himoya qilindi.

SSP Matbuot xizmati