SSP “Davlat xizmatlarini koʼrsatuvchi vakolatli organlar bilan hamkorlik qilish boshqarmasi” tomonidan 2021 yilning 4– 29 yanvar kunlari(Oylik)amalga oshirilgan ishlar toʼgʼrisida.

“Oʼzbekiston Respublikasi Savdo-sanoat palatasi toʼgʼrisida”gi Qonuniga muvofiq tadbirkorlik faoliyatiga koʼmaklashish sohasida hamda davlat organlari, boshqa organlar va tashkilotlar bilan hamkorlik sohasida Palataning funktsiyalaridan foydalangan holda oʼtgan hafta davomida tadbirkorlik subyektlariga jami 16 796 ta biznes xizmatlari koʼrsatildi.

Xususan 16 158ta (96,2%) bepul xizmatlar, 638 ta (3,8%) pullik xizmatlar koʼrsatilib, ular doimiy ravishda “Xizmatlar markazi”ga elektron tarzda  kiritilib borilmoqda.

Pullik asosida eng koʼp koʼrsatilgan xizmatlarga:Taʼsis hujjatlari, ularga oʼzgartirish va qoʼshimchalar kiritish boʼyicha loyiha hujjatlar tayyorlab berish xizmatlari va biznes yuritishda (buxgalteriya, bank xizmatlaridan foydalanishda koʼmaklashish) hamda biznes-rejalar loyihalarini tayyorlash berish xizmatlaritashkil etadi. 

Bepul asosida eng koʼp koʼrsatilgan xizmatlarga: Er maydonlari va bino-inshootlar, jumladan boʼsh turgan obʼektlardan foydalanish boʼyicha maslahat va maʼlumot hamda Biznes yuritish hisobotlari boʼyicha  maslahat va maʼlumot berish xizmatlarini tashkil etadi.

Shuningdek, “Davlat xizmatlarini koʼrsatuvchi vakolatli organlar bilan hamkorlik qilish boshqarmasi” tomonidan tadbirkorlik subʼektlariga biznes xizmatlarini koʼrsatish salmogʼini va samaradorligini oshirish borasida xorijiy tajribalar oʼrganilgan holda tahlil qilinib yangi biznes xizmatlari turlari takliflari joriy etilib kelinmoqda.

Shu bilan birgalikda, biznesni boshlash va rivojlantirish istagida boʼlgan tadbirkorlarga «CALL CENTER» orqali maslahat va maʼlumotlar berib kelinmoqda.

SSP Аxborot-xizmati