Mirobod tumanida "Yoshlar 1+1" loyihasi dasturi doirasida oʼqitilgan yoshlarga sertifikatlar topshirildi.

Oʼzbekiston Respublikasi Savdo-sanoat palatasi, Mirobod tuman hokimligi, Yoshlar ishlari agentligi tumani boʼlimi, Savdo-sanoat palatasi tuman boʼlimi, iqtisodiyot va kambagʼalikni qisqartirish boʼlimi, soliq inspektsiyasi, Davlat xizmatlari markazi, tijorat banklari tomonidan "Har bir tadbirkor-yoshlarga madadkor" tamoyili asosida 1+1 dasturi doirasida tumandagi ishsiz va uyushmagan yoshlar 6 kunlik tadbirkorlik kurslariga oʼqitildi.

Joriy yilning 3 fevral kuni oʼquv kurslarini tammomlagan yoshlarga Savdo-sanoat palatasi raisining birinchi oʼrinbosari I.Jasimov, Mirobod tumani hokimi Sh. Pulatov hamda sektor rahbarlari ishtirokida mahsus sertifikatlar taqdim etildi. Shu bilan birga tadbir davomida oʼquv kurslarida tahsil olgan yoshlar bilan muloqot tashkil etilib, ularning kelgusida amalga oshiish istagida boʼlgan faoliyatlari bilan tanishildi.

Shuningdek ular tomonidan berilgan savollar mutasaddi rahbarlar tomonidan batafsil javoblar berilib, oʼz faoliyatlarini boshlashri uchun amaliy koʼmaklar koʼrsatilishi maʼlum qilindi. 

SSP Аxborot-xizmati