Tadbirkor huquq va maanfatlari himoya qilindi

Oʼzbekiston Savdo-sanoat palatasiga Palata aʼzosi “Integral Agro Markaz” MChJ murojaat qilib, huquq va qonuniy manfaatlarini himoya qilishda amaliy yordam soʼragan.

“Integral Agro Markaz” MChJ murojjati oʼrganib chiqilganda jamiyat va boshqa bir tadbirkorlik subʼekti oʼrtasida xizmat koʼrsatish shartnomasi imzolangan boʼlib, unga koʼra Palata aʼzosi tomonidan jami 582 871 477 soʼm miqdorida xizmat koʼrsatilgan. Biroq, javobgar shartnoma shartlariga rioya etmasdan, Palata aʼzosi tomonidan koʼrsatilgan xizmat uchun toʼlovlarni lozim darajada amalga oshirmagan. Shu tariqa, javobgarning Palata aʼzosi oldida 44 871 477 soʼm miqdorida qarzdorlik vujudga kelgan.

Qarzdorlik summasini undirish maqsadida Savdo-sanoat palatasi tomonidan Palata aʼzosi manfaatida sudga daʼvo arizasi bilan murojaat qilingan.

Toshkent tumanlararo iqtisodiy sudining hal qiluv qarori bilan javobgar hisobidan Palata aʼzosi foydasiga 44 871 477 soʼm miqdorida asosiy qarz, 5 000 000 soʼm miqdorida penya undirilgan va, shu tariqa, Palata aʼzosining huquq va qonuniy manfaatlari himoya qilindi.

SSP Matbuot xizmati