"Halol" standartini Oʼzbekistonda joriy etish masalalari muhokama etildi

Oʼzbekiston Savdo-sanoat palatasi tomonidan mahalliy tadbirkorlik subyektlarining mahsulotlarini “Halol” standartlari asosida xorijiy mamlakatlarga eksport qilish borasida tegishli oʼrganishlar olib borilmoqda.

Jumladan, joriy yilning 8 fevral kuni Savdo-sanoat palatasida Litvaning “Halal control Lithuania» kompaniyasi bilan uchrashuv boʼlib oʼtdi.

Ushbu uchrashuvda Oʼzbekistonda “Halol” standartni joriy etish orqali mahsulotlar ekporti salohiyatini oshirish, “Halol” standarti joriy etilgan istiqbolli bozorlarga milliy mahsulotlarni yetkazib berilishini taʼminlash hamda “Halol” standartini mahalliy ishlab chiqaruvchilar faoliyatiga joriy etish masalalari muhokama etildi.

Uchrashuv yakuniga koʼra tomonlar “Halol” standartini Oʼzbekistonda keng joriy etish boʼyicha oʼzaro hamkorlik qilishga kelishib oldilar.

SSP Matbuot xizmati