Huquq va qonuniy manfaatlarini himoya qilishda amaliy yordam soʼragan tadbirkor murojaati qanoatlantirildi

Oʼzbekiston Savdo-sanoat palatasi Navoiy viloyati hududiy boshqarmasiga  Palata aʼzosi “Ihlas elektrik ” MChJ murojaat qilib, huquq va qonuniy manfaatlarini himoya qilishda amaliy yordam soʼragan.

“Ihlas elektrik” MChJ murojjati oʼrganib chiqilganda, jamiyat faoliyatida mazkur hududdagi davlat soliq boshqarmasi tomonidan noqonuniy kameral soliq tekshiruvi oʼtqazilgan va buning natijasida tadbirkorlik subʼektiga nisbatan qoʼshilgan qiymat soligʼi boʼyicha asossiz ravishda 410 198 940 soʼm miqdorida soliq qarzdorligi hisoblangan.

Soliq idorasining soliq toʼlovlariini undirish haqidagi inkasso topshiriqnomasini rad etish  maqsadida, Savdo-sanoat palatasi tomonidan Palata aʼzosi manfaatida sudga daʼvo arizasi bilan murojaat qilingan.

Karmana tumanlararo iqtisodiy sudining hal qiluv qarori bilan DSBning Palata aʼzosidan qoʼshilgan qiymat soligʼini undirish toʼgʼrisidagi inkasso topshiriqnomalarini ijro etish mumkin emas deb topilgan, shu tariqa, Palata aʼzosining huquq va qonuniy manfaatlari himoya qilingan.

SSP Аxborot-xizmati