“САVЕХ” - Markaziy Osiyo virtual koʼrgazmasining ochilishi marosimi boʼlib oʼtdi.

2021 yil 15 fevral kuni Oʼzbekiston Respublikasi Savdo-sanoat palatasi, Oʼzbekiston Respublikasining Yaponiyadagi elchixonasi hamda Yaponiyaning “ROTOBO” tashkiloti hamkorligida ccc - Markaziy Osiyo virtual koʼrgazmasining ochilishi doirasida Oʼzbekistonga bagʼishlangan kun boʼlib oʼtdi.

“САVЕХ”  - Markaziy Osiyo virtual koʼrgazmasi 15 dan 19 fevralgacha davom etib,  uning doirasida Markaziy Osiyo davlatlari tomonidan oʼz investitsion va eksport salohiyatini namoyish etish uchun vebinarlar tashkil etish koʼzda tutilgan.

Virtual koʼrgazmani tashkil etishdan koʼzlangan maqsad, pandemiya sharoitida jaxonda roʼy berayotgan iqtisodiy inqirozga qaramasdan Oʼzbekiston va Yaponiya oʼrtasida oʼzaro savdo va investitsiyaviy hamkorlik aloqalarini rivojlantirish, Yaponiyaning yetakchi investitsion kompaniyalarini mamlakatimizga jalb qilish hamda Yaponiya bozoriga mahalliy mahsulotlarimizni eksport qilishga qulay shart-sharoitlar yaratishdan iboratdir.

Ushbu tadbirda Oʼzbekiston Respublikasi Savdo-sanoat palatasi raisi А.Ikramov, Savdo-sanoat palatasi raisining birinchi oʼrinbosari I.Jasimov, Iqtisodiy hamkorlik boʼyicha Yaponiya-Oʼzbekiston qoʼmitasining raisi Mikio Sasaki, Oʼzbekiston Respublikasiga xorijiy investitsiyalarni jalb qilish agentligi direktori oʼrinbosari O.Elmuradov, “Oʼzeltehsanoat”aktsiyadorlik jamiyati raisi oʼrinbosari  M. Xashimov, hamda bir qator iqtisodiy sektor vakillari qatnashdilar.

Shuningdek mazkur virtual koʼrgazmada Markaziy Osiyoning Qozogʼiston, Tojikiston, Turkmaniston hamda Qirgʼiziston davlatlari ham ishtirok etmoqda.

Tadbirda Savdo-sanoat palatasi raisi А.Ikramov ishtirokchilarga tabrik soʼzi bilan murojaat qilib, mazkur koʼrgazma orqali Oʼzbekistonning iqtisodiy imkoniyatlarini batafsil namoyish etilishiga, shuningdek Yaponiyaning ishbilarmon doiralari bilan qoʼshma biznes loyihalarini amalga oshirish uchun mamlakatning yetakchi korxonalarining eksport va investitsiya salohiyati bilan tanishtirilishiga ishonch bildirdi.

Mazkur virtual koʼrgazma doirasida respublikamiz tadbirkorlik subyektlarining milliy brendlarini Yaponiyadagi salohiyatli xaridorlar, tijorat kompaniyalari va isteʼmolchilar eʼtiborini qozonish, yapon bozoriga milliy mahsulotlarni kirishlariga qulay shart-sharoitlar yaratish hamda Oʼzbekistonda milliy brendlar ostida ishlab chiqarilayotgan mahsulotlarni Yaponiyada oʼz xaridorlariga ega boʼlishlari uchun imkoniyatlar yaratib berish koʼzlanmoqda.

SSP Аxborot-xizmati