O'zbekiston va Vengriya SSP rahbarlarining uchrashuvi.

2021 yil 16-fevral kuni O'zbekiston Respublikasi delegatsiyasining Vengriyaga tashrifi davomida O'zbekiston SSP raisi A.Ikromov Vengriya SSP Prezidenti Laslo Parrag bilan uchrashuv bo'lib o'tdi. 

Tadbirda O'zbekiston Savdo-sanoat palatasi raisining o'rinbosari F. Usmonov va Qoraqalpog'iston Respublikasi hududiy boshqarmasi boshlig'i D. Joldasovlar ham ishtirok etishdi.

Muzokaralar davomida savdo-iqtisodiy, sarmoyaviy va boshqa sohalardagi O'zbekiston-Vengriya munosabatlarining istiqbollari to'g'risida fikr almashildi. Savdo-sanoat palatasining Qoraqalpog'iston Respublikasidagi hududiy boshqarmalari va Xaydu-Bihar mintaqaviy palatasi o'rtasida hamkorlikni yo'lga qo'yish masalasi ham muhokama qilindi.

Tadbirning asosiy maqsadi ikki mamlakat o'rtasidagi tovar ayirboshlashni kengaytirish, O'zbekiston va Vengriya o'rtasidagi savdo-sotiq uchun sharoit yaratish, shuningdek investitsiya loyihalarini amalga oshirish masalalarini muhokama qilish edi.

Shuningdek, O'zbekiston delegatsiyasining Vengriyaga tashrifi davomida "B2B" formatida ishbilarmonlik uchrashuvi tashkil etiladi, u ikki mamlakat ishbilarmon doiralari vakillari ishtirokida O'zbekiston-Vengriya biznes-forumi davomida bo'lib o'tadi.

Ta'kidlash joizki, yaqinda bo'lib o'tadigan tadbirlar doirasida O'zbekiston va Vengriya Savdo-sanoat palatalarining mintaqaviy boshqarmalari o'rtasida Ishbilarmonlar kengashini tuzish to'g'risidagi Bitim va hamkorlik to'g'risidagi Bitimni imzolash rejalashtirilgan.

Ma'lumot uchun: 2020 yil oxirida tovar aylanmasi 109,3 million dollarni tashkil etdi (+ 53,9%), shu jumladan eksport - 538,3 ming dollar, import - 108,7 million dollar (+ 54,1%). 2021 yil yanvar holatiga ko'ra Respublikada Vengriya tomoni ishtirokidagi 10 ta korxona faoliyat yuritmoqda, ulardan 6 tasi qo'shma korxonalar va 100% xorijiy kapital ishtirokidagi 4 ta korxona.

Davom etayotgan voqealar haqida keyingi xabarlarimizda batafsil yozamiz. Yangiliklarni veb-saytimiz orqali kuzatib boring.

SSP Matbuot xizmati