“Halol” standartini joriy etish va unga qoʼyiladigan talablar boʼyicha onlayn muhokama boʼlib oʼtdi

2021 yil 17 fevral kuni Oʼzbekiston Savdo-sanoat palatasi va “Oʼzstandart” agentligi bilan “Halol” standartini eksportyor korxonalar orasida joriy etish va unga qoʼyiladigan talablar muhokamasiga bagʼishlangan videomuloqot boʼlib oʼtdi.

Mazkur tadbirda “Halol” standartini amaliyotga joriy etishning afzalliklari, hamda eksportyor korxonalariga, shu jumladan oziq-ovqat mahsulotlarini eksport qiluvchi korxonalar mazkur standartni qabul qilish orqali sertifikatlashtirish jarayonlarida belgilangan meʼyorlarga tayanish zarurligi toʼgʼrisida aytib oʼtildi.

Maʼlumki, “Halol” belgisi ostida sertifikatlashtiriladigan mahsulotlar guruhiga pardoz-andoz va shaxsiy gigiena isteʼmol mollari; jonivorlarning goʼshti, yogʼi va boshqa xomashyosi asosida tayyorlanadigan oziq-mahsulotlar; sayyohlarga “halol” xizmatlari koʼrsatuvchi obʼektlari kiradi.

Shuningdek ushbu standartning joriy etilishi mahalliy tadbirkorlik subyektlariga  xorijiy bozorlarga mahsulotlarning eksport qilinishida keng yoʼl ochib berishi va uning hajmini oshishi hamda yangi eksport bozorlariga kirish uchun shart-sharoit yaratishi haqida etib oʼtildi.

Tadbir yakunida Oʼzbekiston Savdo-sanoat palatasi va “Oʼzstandart” agentligi bilan hamkorlikda “Halol” standarti boʼyicha mahalliy tadbirkorlik subyektlari uchun onlayn vebinar tashkil hamda uni amaliyotiga joriy etish boʼyicha kelishib olindi.

SSP Matbuot xizmati