Tadbirkorning qonuniy manfaatlari himoya qilindi.

Oʼzbekiston Savdo-sanoat palatasining Navoiy viloyati hududiy boshqarmasiga Palata aʼzosi “Temirbek KAPITAL SERVICE” MChJ murojaat qilib, huquq va qonuniy manfaatlarini himoya qilishda amaliy yordam soʼragan.

“Temirbek KAPITAL SERVICE” MChJ murojjati oʼrganib chiqilganda, jamiyat faoliyatida viloyat Davlat soliq boshqarmasi tomonidan kameral soliq tekshiruvi oʼtkazilgan va natijasi boʼyicha tegishli qaror qabul qilinib, tadbirkorga nisbatan qoʼshilgan qiymat soligʼi boʼyicha asossiz ravishda 505 869 900 soʼm miqdorida soliq qarzdorligi hisoblangan.

Viloyat Davlat soliq boshqarmasining tekshiruv natijasida rasmiylashtirigan 2020 yil 25 noyabrdagi 18/13 – sonli qarorini haqiqiy emas deb topish maqsadida, Savdo-sanoat palatasi tomonidan Palata aʼzosi manfaatida sudga ariza bilan murojaat qilingan.

Navoiy tumanlararo maʼmuriy sudining hal qiluv qarori bilan DSBning 2020 yil 25 noyabrdagi 18/13 – sonli qarorini haqiqiy emas deb topilgan va, shu tariqa, Palata aʼzosining huquq va qonuniy manfaatlari himoya qilingan.

SSP Аxborot-xizmati