“Evrosiyo Iqtisodiy Ittifoqiga aʼzo davlatlar bilan sanoat kooperatsiyasini rivojlantirish istiqbollari” mavzusida davra suhbati oʼtkazildi

2021 yil 19 fevral kuni Oʼzbekiston Respublikasi Oliy Majlisi Qonunchilik palatasining Sanoat, qurilish va savdo masalalari qoʼmitasi tomonidan “EOIIga aʼzo davlatlar bilan sanoat kooperatsiyasini rivojlantirish istiqbollari” mavzusida videomuloqot formatida Davra suhbati oʼtkazildi.

Davra suhbatida Oliy Majlis Qonunchilik palatasining Sanoat, qurilish va savdo masalalari qoʼmitasi, Oʼzbekiston Respublikasi Iqtisodiy taraqqiyot va kambagʼallikni qisqartirish vazirligi, Investitsiyalar va tashqi savdo vazirligi, Tashqi ishlar vazirligi, Davlat bojxona qoʼmitasi hamda Oʼzbekiston Savdo-sanoat palatasining masʼul xodimlari ishtirok etdilar. Shuningdek, davra suhbatida Oʼzbekiston Savdo-sanoat palatasi Eksportni, import masalalari, savdo, mahsulot va xizmatlarni standartlashtirish va sertifikatsiyalashga koʼmaklashish boshqarmasi boshligʼi Usmanov Gʼofurjon Yevrosiyo Iqtisodiy Ittifoqi (Rossiya, Qozogʼiston, Belarus, Qirgʼiziston, Аrmaniston) davlatlari bilan sanoat kooperatsiya aloqalarni rivojlantirish boʼyicha maʼruza qildi.

SSP Аxborot-xizmati