Iqtisodiy hamkorlik va taraqqiyot tashkiloti (IHTT) tomonidan oʼzbekistonda kichik biznesning eksport salohiyatini rivojlantirish masalalari boʼyicha vebinar tashkil etildi.

2021 yil 25 fevral kuni Iqtisodiy hamkorlik va taraqqiyot tashkiloti (IHTT) tomonidan Oʼzbekistonda kichik biznes eksportini rivojlantirishga bagʼishlangan vebinar boʼlib oʼtdi.

Vebinarda Oʼzbekiston va IHTT ekspertlari, Oʼzbekiston Respublikasi Investitsiyalar va tashqi savdo vazirligi, Oʼzbekiston Savdo-sanoat palatasi, yurtimizning xorijdagi diplomatik vakolatxonalari va boshqa manfaatdor hamkorlar ishtirok etdilar.

Tadbirda IHTT tomonidan Oʼzbekistondagi kichik biznes subyektlari uchun eksportni ragʼbatlantirish borasida tavsiyalarni ishlab chiqish, ularni qoʼllab-quvvatlash va amalga oshirish boʼyicha fikr-mulohazalar almashildi.

Shu bilan birga Oʼzbekistondagi kichik biznes uchun eksport muhitini yaxshilash, IHTT va unga aʼzo davlatlar bilan eksport borasida tajriba almashish, Tashkilot tomonidan Oʼzbekistonda eksportni ragʼbatlantirishga qaratilgan istiqbolli yoʼnalishlar koʼrib chiqildi.

Ushbu tadbirda Oʼzbekiston Savdo-sanoat palatasi Eksportga koʼmaklashish boshqarmasi boshligʼi Gʼ.Usmonov ishtirok etib, respublikamizda eksport yoʼnalishida olib borilayotgan soʼnggi islohotlar, Oʼzbekiston iqtisodiyoti va eksportida kichik biznesning oʼrni hamda eksportni qoʼllab-quvvatlashda IHTT bilan hamkorlik masalalari boʼyicha taqdimot qildi.

SSP Matbuot xizmati