O‘zbekiston Savdo-sanoat palatasi tomonidan yana bir tadbirkorning huquq va qonuniy manfaatlari himoya qilindi

O‘zbekiston Savdo-sanoat palatasiga uning a'zosi “Albi Pharma” MChJ murojaat qilib, huquq va qonuniy manfaatlarini himoya qilishda amaliy yordam so‘ragan.

“Albi Pharma” MChJ murojjati o‘rganib chiqilganda, jamiyat va tijorat banki o‘rtasida kredit shartnomasi imzolanganligi, bank tomonidan shartnoma bo‘yicha o‘z majburiyatlarini lozim darajada bajarilmaganligi natijasida tadbirkor zarar ko‘rganligi aniqlandi. 

Tijorat banki tomonidan shartnoma shartlari lozim daraja bajarilmaganligi bois Palata a'zosi foydasiga peniya mablag‘ini maqsadida, Savdo-sanoat palatasi tomonidan Palata a'zosi manfaatida sudga ariza bilan murojaat qilingan.

Toshkent tumanlararo ma'muriy sudining hal qiluv qarori bilan bank hisobdan “Albi Pharma” MChJ foydasiga 250 000 000 so‘m miqdorida penya undirib berilgan va, shu tariqa, Palata a'zosining huquq va qonuniy manfaatlari himoya qilingan.

SSP Axborot-xizmati