Samarqand viloyatida "Mahallabay" tizimida hududlarni ijtimoiy-iqtisodiy rivojlantirish va kambag‘allikni qisqartirish chora-tadbirlarini amalga oshirish mavzusida o‘quv-seminar o‘tkazildi.

2021 yil 15 mart kuni Samarqand viloyati hokimining birinchi o‘rinbosari rahbarligida Savdo-sanoat palatasi Samarqand viloyat hududiy boshqarmasi binosida "Mahallabay" tizimida hududlarni ijtimoiy-iqtisodiy rivojlantirish va kambag‘allikni qisqartirish chora-tadbirlarini amalga oshirish mavzusida o‘quv-seminar o‘tkazildi.

O‘quv-seminarda mahallalarga biriktirilgan doimiy vakillar va "Boshqaruv ofislari" rahbarlari uchun hududlarda "Mahallabay" ishlash tizimini tashkil etish va mahallalarni ijtimoiy-iqtisodiy rivojlantirish dasturlarini amalga oshirish, "Temir daftar"dagi oilalar, "Ayollar" va "Yoshlar daftari"ga kiritilgan fuqarolarning muammolarni hal etish, bandligini ta'minlash, kasb-hunarga o‘qitish, tadbirkorlikka jalb etish va boshqa mavzular bo‘yicha tegishli soha rahbarlarining ma'ruzalari tinglandi.

Tadbir so‘ngida ishtirokchilarni qiziqtirayotgan avollarga batafsil javob berildi. Bu kabi o‘quv-seminarlar davom etmoqda.

SSP Matbuot xizmati