O‘zbekiston-Rossiya Ishbilarmonlar kengashining beshinchi yig‘ilishi bo‘lib o‘tdi.

2021 yil 6 apel kuni “International Hotel Uzbekistan” da  O‘zbekiston-Rossiya Ishbilarmonlar kengashining beshinchi yig‘ilishi bo‘lib o‘tdi.

Tadbirdan ko‘zlangan asosiy maqsad ikki mamlakat o‘rtasida savdo-iqtisodiy, investisiyaviy hamkorlikni yanada rivojlantirish va tadbirkorlar o‘rtasida hamkorlik aloqalarini mustahkamlash maqsadida ochiq muloqot platformalarini tashkil etish hisoblanadi.

Mazkur tadbirda O‘zbekiston Respublikasi Savdo-sanoat palatasi raisi, O‘zbekiston tomonidan O‘zbekiston-Rossiya ishbilarmonlar kengashining hamraisi A.Ikramov va mutasaddi tashkilotlarning vakillari ishtirok etishdi.

Tadbir avvalida O‘zbekiston Savdo-sanoat Palatasi raisi A.Ikramov o‘z nutqi bilan tadbirni ochib berdi. A.Ikramov o‘z nutqi davomida ikki mamlakat o‘rtasidagi savdo-iqtisodiy aloqalarni rivojlanib borayotgani, so‘ngi yillarda hamkorlik aloqalarini yanada rivojlanayotganligini ta'kidlab o‘tdi. Shuningdek bugungi tadbir ham ikki mamlakat ishbilarmon doiralari uchun keng va qulay imkoniyat yaratib kelgusida samarali natijalarga erishishda asos vazifasini o‘tashiga ishonch bildirdi.

Shu bilan birga, tadbir davomida mas'ul vazirlik va idoralar vakillari O‘zbekistonning iqtisodiy salohiyati bilan mehmonlarni tanishtirish maqsadida o‘zlarning taqdimot materiallari bilan ishtirok etishdi.

Forum davomida turli xil sohada faoliyat yuritayotgan tadbirkorlar o‘z mahsulotlari va hizmatlarini hamkorlik qilish istagida bo‘lgan tadbirkorlarga namoyish etib hamkorlikning afzalliklari va uning ustuvor yo‘nalishlari  bo‘yicha fikr almashishdilar.

Hususan qishloq xo‘jaligi, qurilish, turizm, logistika, hizmat ko‘rsatish hamda tekstil' yo‘nalishlarida faoliyat yuritayotgan tadbirkorlar o‘rtasida qizg‘in muzokaralar o‘tkazilib, bir qator hamkorlik to‘g‘risidagi kelishuvlar imzolandi.  

Tashkil etilgan ochiq muloqotlar, istiqbolli loyihalar va kelishuvlarni ishlab chiqishni o‘z ichiga olgan o‘zaro manfaatli yo‘nalishlarni aniq belgilashga hamda O‘zbekiston va Vengriya ishbilarmon doiralari o‘rtasidagi o‘zaro hamkorlikning samarali formatini yaratishga imkon berdi.

SSP Axborot-xizmati