Samarqand viloyatida yoshlarni tadbirkorlik va biznes yuritish ko‘nikmalariga o‘qitish ishlari davom etmoqda

Mustaqil yurtimizda har bir fuqaro o‘zi xohlagan sohada mehnat qilishi, o‘zi xohlagan soha bo‘yicha shug‘ullanishi uchun shart-sharoitlar yaratilgan, imkoniyatlar yetarli. Mamlakatimizda aholi, yoshlar bandligini ta'minlash masalasiga xalq turmush farovonligini oshirishning muhim omili sifatida qaralib, bugungi kunda izchil ravishda davom etayotgan islohotlarning muhim tarkibiy qismi, ustuvor yo‘nalishi ekanligi O‘zbekiston Respublikasini yanada rivojlantirish bo‘yicha Harakatlar strategiyasida ham belgilangan. Bu borada, ayniqsa, Prezidentimiz tashabbusi bilan uyushmagan yoshlarga qaratilayotgan e'tibor, olib borilayotgan ulkan islohotlar muhim ahamiyat kasb etmoqda. Ma'lumki, 2021 yil mamlakatimizda “Yoshlarni qo‘llab-quvvatlash va aholi salomatligini mustahkamlash yili”, deb nomlanib, bu borada davlat dasturi qabul qilindi.

Yurtimizning xar bir xuxudida yoshlarni ish bilan ta'minlash ularni kasb-xunarga o‘qitish ishlari jadal olib borilmoqda. Xususan, joriy yilning 15 aprel' kuni O‘zbekiston Savdo-sanoat palatasi Samarqand viloyat hududiy boshqarmasi huzuridagi Samarqand shahar “Tadbirkorlikka ko‘maklashish markazi” tomonidan “Har bir tadbirkor – yoshlarga madadkor” tamoyili asosida “Yoshlar daftari”ga kiritilgan “Yoshlar: 1+1” dasturi doirasida hamda "Ayollar temir daftari"da turgan ishsiz xotin-qizlarni "Tadbirkorlik va biznes yuritish ko‘nikmalari"ga , "Mikro kredit bank" "Davlat Xizmatlari Agentligi", "Yoshlar ishlari agentligi", "Hunarmand uyushmasi" tashkilotlarining malakali xodimlari tomonidan o‘quv seminarlarning 7-bosqichi boshlandi. Bugungi kunga kelib ushbu bosqichning 3-kuni davom etmoqda. Umumiy xisobda ushbu o‘quv seminari 14 kun davom etadi.

Shu kabi o‘quv seminarlari Respublikamizning barcha xududlarida davom ettirilmoqda.

SSP Matbuot xizmati