Mansabdor shaxslarini tadbirkorlik sub'ektlari faoliyatini tekshirish huquqini berish yuzasidan attestasiyadan o‘tkazish jarayonida Savdo-sanoat palatasi vakillari ham ishtirok etdi

O‘zbekiston Respublikasi Vazirlar Mahkamasining 2018 yil 7 noyabrdagi 920-son qarori bilan tasdiqlangan “Nazorat qiluvchi organlar mansabdor shaxslarini tadbirkorlik sub'ektlari faoliyatini tekshirish huquqini berish yuzasidan attestasiyadan o‘tkazish tartibi to‘g‘risida”gi Nizom bilan nazorat qiluvchi organlar mansabdor shaxslarini tadbirkorlik sub'ektlari faoliyatini tekshirish huquqini berish yuzasidan attestasiyadan o‘tkazish jarayonida komissiya a'zolari tarkibiga Savdo-sanoat palatasi vakillari kiritilishi shartligi belgilangan.

Mazkur Nizom talablaridan kelib chiqib bugun 15 aprel' kuni O‘zbekiston Respublikasi Bojxona qo‘mitasi Toshkent-aero ixtisoslashtirilgan bojxona kompleksi mansabdor shaxslarini tadbirkorlik sub'ektlari faoliyatini tekshirish huquqini berish yuzasidan attestasiyadan o‘tkazish jarayonida O‘zbekiston Savdo-sanoat palatasi Toshkent shahar hududiy boshqarmasi boshlig‘i o‘rinbosari Abdullaev Shuxratjon Muratbaevich komissiya a'zosi sifatida ishtirok etdi.

SSP Matbuot xizmati