Ayollarda tadbirkorlik asoslari va ko‘nikmalarini shakllantirish uchun tashkil etilgan o‘quv kurslari davom etmoqda.

Jamiyat xayotida xotin-qizlarning faol ishtirokini ta'minlash uchun hududlarda samarali  yangi tizim yo‘lga qo‘yilgan.

Savdo-sanoat palatasi Xorazm viloyati hududiy  boshqarmasi qator tashkilotlar bilan hamkorlikda "Ayollar daftari" ga ro‘yxatga olingan xotin-qizlar uchun  qisqa muddatli o‘quv kurslarini tashkil etgan. Xazorasp tumanida "Ayollar daftari"ga  kirgan 3 ming 540 nafar xotin-qizlardan 456 nafari tadbirkorlik  qilish istagini bildirgan. 470 nafar Xazorasplik ayollar esa, 16  soatlik qisqa muddatli o‘quv kurslarida tadbirkorlik asoslariga o‘qitildi. Ular ushbu o‘quv kurslarida tadbirkorlik sohasidagi bilimga ega bo‘ldilar. Xotin-qizlar banklardan imtiyozli kredit olishni kafolatlovchi  maxsus sertifikatni qo‘lga kiritishdi. Ta'kidlash joizki , tumanda ayollarning ko‘pchiligi o‘z tadbirkorligini yo‘lga qo‘yib , mahalladagi ayollarni ham ish bilan ta'minlashdi. Oila daromadida ham ularning munosib hissasi bor. Xorazm viloyati shahar tumanlaridagi ayollar asosan milliy tikuvchilik , pishiriq tayerlash , parrandachilik  va qator yo‘nalishlarda ish faoliyatini boshlashdi.

Ayollarda tadbirkorlik  asoslari va ko‘nikmalarini shakllantirish uchun tashkil etilgan o‘quv kurslari davom etmokda.

SSP Matbuot-xizmati