“Global Gap” va “ISO 22000” xalqaro standartlarini joriy etish bo‘yicha vebinar tashkil etildi

O‘zbekiston Savdo-sanoat palatasi tomonidan qishloq xo‘jaligi va oziq-ovqat mahsulotlarini ishlab chiqaruvchi eksportyorlar uchun “Global Gap” va “ISO 22000” xalqaro standartlarini joriy etish masalalari bo‘yicha joriy yilning 21 aprel' kuni “Zoom” dasturi orqali videokonferensaloqa rejimida vebinar o‘tkazildi.

Mazkur tadbirda O‘zbekiston Respublikasi Qishloq xo‘jaligi vazirligi hamda “O‘zstandart” Agentligining ushbu sohalarga mas'ul mutaxassislari tomonidan “Global Gap” va “ISO 22000” xalqaro standartlari talablari, ularni joriy etish shartlari va bosqichlari hamda ushbu standartlar asosida mahsulotlarni xorijiy bozorlarga eksport qilish afzalliklari to‘g‘risida taqdimotlar qilindi.

Vebinar yakunida mahalliy tadbirkorlar bilan mutasaddi ekspertlar o‘rtasida o‘zaro savol-javoblar tarzida muloqot bo‘lib o‘tdi.

SSP Axborot-xizmati