Toshkent viloyatida “Tadbirkor migrant” loyihasi amalga oshirilmoqda

So‘nggi yillarda aholining keng qatlamini tadbirkorlikka jalb qilish va ularning daromad manbalarini kengaytirishga qaratilgan chora-tadbirlar amalga oshirilmoqda. Bunga misol tariqasida “Tadbirkor migrant” loyihasini keltirishimiz munkin.

 O‘zbekiston Respublikasi Prezidentining 2020 yil 15 sentyabrdagi “Xavfsiz, tartibli va qonuniy mehnat migratsiyasi tizimini joriy qilish chora-tadbirlari to‘g‘risida”gi PQ-4829-sonli Qarori ijrosini ta'minlash maqsadida mehnat migrantlarinig tashabbuslarini qo‘llab-quvvatlash bo‘yicha “Tadbirkor migrant” loyihasi asosida qisqa muddatli o‘quv kurslari tashkil etilgan.

“Tadbirkor migrant” loyihasi Tashqi mehnat migratsiya agentligi tomonidan Bandlik va mehnat munosabatlari vazirligi, Savdo-sanoat palatasi hamkorligida tashkil etilgan bo‘lib, undan ko‘zlangan asosiy maqsad, xorijda ishlab, malaka orttirib qaytgan mehnat migrantlarini O‘zbekistonda tadbirkorlik faoliyatiga jalb qilishni qo‘llab-quvvatlash, ularni tadbirkorlikka yo‘naltirish bo‘yicha metodik bilim va tavsiyalarni berishdan iborat.

Xuddi shu kabi tadbir joriy yilning 29 may kuni Toshkent viloyatida ham bo‘lib o‘tdi. “Tadbirkor migrant” loyihasi bo‘yicha o‘quv kurslarini muvaffaqiyatli tamomlagan 23 nafar fuqarolarga tantanali ravishda sertifikatlar topshirildi.

Toshkent viloyati bo‘yicha bu kabi o‘quv kurslariga jami 340 nafar mehnat migrantlari, jumladan ishsiz yoshlar va xotin qizlarni jalb etish ko‘zda tutilgan. O‘qishni bitirgan tinglovchilarga maxsus sertifikatlar beriladi. Kelgusida ularni o‘z biznesini ochish va rivojlantirishga amaliy yordam berib boriladi.

SSP Matbuot xizmati