Respublikamizda turizmni rivojalantirishga qaratilgan istiqbolli investision loyiha muhokama qilindi

Joriy yilning 2 iyun' kuni O‘zbekiston Savdo-sanoat palatasida “Agronur” MChJ tomonidan ishlab chiqilgan mamlakatimizda turizmni rivojalantirishga qaratilgan “TURFA SAYYOH” loyihasining taqdimoti bo‘lib o‘tdi.

Ushbu uchrashuvda turizm sohasini rivojlantirishda “TURFA SAYYOH” loyiha doirasida klaster usulini qo‘llash va bunda sohaga oid barcha yo‘nalishlarni birlashtirish orqali mamlakatimizga tashrif buyuruvchi xorijiy sayyohlar sonini ko‘paytirish, turizm infratuzilmasi ob'ektlarida xizmat ko‘rsatishni yaxshilash, turizm sohasidagi mutaxassislarning malakasini oshirish, bunda davlat va xususiy sektor sherikchiligiga asoslangan tamoyilni keng tatbiq etgan holda turizm sohasini rivojlantirish masalalari O‘zbekiston Respublikasi Turizm va sport vazirligi, Madaniyat vazirligi, Transport vazirligi hamda “Uzbekistan Airports” AJning mas'ul xodimlari ishtirokida atroflicha muhokama qilindi.

Uchrashuv davomida vazirlik va idoralarning mas'ul xodimlari tomonidan loyiha taqdimotidan so‘ng berilgan savollarga “Agronur” MChJ mutaxassislari tomonidan tegishli javoblar berildi hamda mazkur loyihaning har bir yo‘nalishi bo‘yicha aniq ishlarni amalga oshirish uchun tegishli vazirlik va idoralarda loyihani qo‘shimcha ravishda batafsil muhokama etish hamda mutasaddi vazirlik va idoralar bilan hamkorlikda uni amalga oshirishga kelishib olindi.

SSP Matbuot xizmati