Yoshlarni tadbirkorlikka oʼqitish davom etmoqda

Oʼzbekiston Savdo-sanoat palatasi Samarqand viloyat hududiy boshqarmasi hamda Samarqand shahar  “Tadbirkorlikka koʼmaklashish markazi” tomonidan “Har bir tadbirkor – yoshlarga madadkor” tamoyili asosida “Yoshlar” va “Аyollar” daftariga kiritilgan “Yoshlar: 1+1” dasturi doirasida "Tadbirkorlik va biznes yuritish koʼnikmalari” oʼquv-kurslarini muvaffaqiyatli tamomlab, maxsus sertifikatga ega boʼlgan Mamatqulov Davlat Djamolovich olgan bilim va koʼnikmalariga tayangan holda  dizaynerlik hizmat koʼrsatish sohasida ''BOBODYON" MChJ korxonasini tashkil qilib, tijorat bankidan 200,0 mln. soʼm imtiyozli kredit olgan va shu bilan bir qatorda 3 ta yangi ish oʼrni yaratilgan.

Va yana maxsus sertifikatga ega boʼlgan Haydarova Gullola olgan bilim va koʼnikmalariga tayangan holda tikuvchilik sohasida yakka tartibdagi tadbirkorlik faoliyatini tashkil qilib 24,0 mln. soʼm imtiyozli kredit olgan va shu bilan birga 2 ta yangi ish oʼrni yaratilgan. Xabaringiz bor “Yoshlar: 1+1” dasturi doirasida oʼgʼil-qizlarni tadbirkorlarga biriktirib, ularda biznes koʼnikmalarini shakllantirish, imtiyozli kreditlar ajratib, oʼz faoliyatini boshlashga koʼmaklashishdan iboratdir.

SSP Matbuot xizmati