Toshkentda «UzEnergyExpo-2016» va «UzStroyExpo-2016» ko'rgazmalari bo'lib o'tadi

2016 yilning 21 sentyabr' kuni “O'zekspomarkaz”da bir vaqtning o'zida ikkita halqaro sanoat ko'rgazmasi bo'lib o'tadi: UzEnergyExpo-2016 va UzStroyExpo-2016.

UzEnergyExpo-2016 ko’rgazmasida sanoat korxonalari, loyiha, qurilish, montaj tashkilotlari, kommunal va hukumat muassasalari sohasidagi mutaxassislar ko’rgazmada barcha takliflarni ko’rib chiqish, solishtirish, tanlash va zarur asbob-uskunalar harid qilish imkoniga ega bo’ladilar.

Dunyoning yetakchi va mahalliy yirik korxonalar tomonidan eng so’nggi energiya sohasidagi samarali echimlar, elektr vositalarining yangi texnologiyalari, elektr ta’minoti tizimlari, energiya tejash, kabel-sim mahsulotlari, yoritish uskunalari, sanoatni avtomatlashtirish, kommunal va sanoat ob’ektlarini gaz bilan ta’minlash tizimlari namoyish etiladi.

UzStroyExpo-2016 ko’rgazmasi esa isitish, shamollatish tizimlari, quvur va fiting, shuningdek, katta beton zavodlari uchun mo’ljallangan uskunalar hamda ularning qismlarini ishlab chiqaruvchi mahalliy va xorijiy korxonalarni o’z ichiga oladi.

Mazkur ko’rgazmada O’zbekiston, Xitoy, Ukraina, Rossiya, Turkiya, Ozarbayjon va boshqa mamlakatlardan kelgan kompaniyalar ishtirok etishi rejalashtirilgan.

Rasmiy ochilish marosimi 21 sentyabr soat 11:00 da.

Ko‘rgazmalarning ishlash vaqti:

21 sentyabr 11:00 – 17:00

22 sentyabr 10:00 – 17:00

23 sentyabr 10:00 – 16:00

O'zSSP Matbuot xizmati