O‘zbekiston Savdo-sanoat palatasi tomonidan yana bir tadbirkorning huquq va qonuniy manfaatlari himoya qilindi

O‘zbekiston Savdo-sanoat palatasiga uning a'zosi “ALBI PHARMA” MChJ QK murojaat qilib, huquq va qonuniy manfaatlarini himoya qilishda amaliy yordam so‘ragan.

“ALBI PHARMA” MChJ QKning murojjati o‘rganib chiqilganda, Toshkent shahrida foydalanilmayotgan ob'ektlardan samarali foydalanish bo‘yicha idoralararo komissiyasining tegishli hulosasi bilan jamiyatga nisbatan asossiz ravishda ta'sirchan soliq choralari qo‘llanilganligi aniqlandi.

Toshkent shahrida foydalanilmayotgan ob'ektlardan samarali foydalanish bo‘yicha idoralararo komissiyasi xulosasining “ALBI PHARMA” MChJ QKga tegishli bo‘gan qismini haqiqiy emas deb topish haqida SSP tomonidan Toshkent shahar hokimligiga nisbatan jamiyat manfaatida sudga ariza bilan murojaat qilingan.

Toshkent tumanlararo ma'muriy sudining hal qiluv qarori bilan SSPning arizasi qanoatlantirilib, Toshkent shahrida foydalanilmayotgan ob'ektlardan samarali foydalanish bo‘yicha idoralararo komissiyasi xulosasining “ALBI PHARMA” MChJ QKga tegishli bo‘gan qismini haqiqiy emas deb topgan va, shu tariqa, Palata a'zosining huquq va qonuniy manfaatlari himoya qilingan.

SSP Axborot-xizmati