Oʼzbekiston Savdo-sanoat palatasi Toshkent viloyati hududiy boshqarmasi tomonidan tadbirkorlik subyektining huquq va qonuniy manfaatlari himoya qilindi.

Savdo-sanoat palatasi Toshkent viloyati boshqarmasiga palata aʼzosi “Xon Qizi” MChJ murojaat qilib, huquq va qonuniy manfaatlarini himoya qilishda amaliy yordam soʼragan.

Murojaat oʼrganilib chiqilganda “XON QIZI” MChJ  va «TEXNO-ZАЩITА» MChJ  oʼrtasida tuzilgan oldi-sotdi shartnoma shartlari «TEXNO-ZАЩITА» MChJ tomonidan qoʼpol ravishda buzilganligi aniqlandi.

Shundan soʼng Savdo-sanoat palatasi Toshkent viloyati boshqarmasi tomonidan «TEXNO-ZАЩITА» MChJga nisbatan  “XON QIZI” MChJ manfaatida sudga daʼvo ariza kiritildi.

Natijada “Xon qizi” MChJning qonuniy manfaatlari himoya qilinib, jamiyat foydasiga  313 191 300 soʼm asosiy qarz, 60 000 000 soʼm penya, jami 373 191 300 (uch yuz yetmish uch million bir yuz toʼqson bir ming uch yuz) soʼm miqdoridagi qarzdorlikni undirish toʼgʼrisida sud hal qiluv qarori chiqarildi.

SSP Axborot-xizmati