Sirdaryo viloyatida fuqarolarning murojaatlari oʼrganilmoqda

Sirdaryo viloyat prokuraturasi hamda Sayxunobod tumani hokimligi tomonidan aholi murojaatlarini oʼrganish, muammo va masallarini hal etish maqsadida joylarda sayyor qabullar tashkil etilmoqda.

Sayyor qabullarda tumandagi tashkilotlar rahbarlari ishtirok etib, kelib tushgan murojaatlarning shu joyning oʼzida hal etilishiga alohida eʼtibor qaratilmoqda. 

Fuqarolarning hal etilmay qolayotgan hamda tushuntirish berish orqali yopilgan murojaatlari tahlil etildi.

Sayxunobod tumani hokimi Farrux Oʼktamjonovning masʼuligida, sektor rahbarlari, hokim oʼrinbosarlari hamda mutasaddi tashkilot-korxona rahbarlariga hal etilmay qolayotgan yoki huquqiy tushuntirish berilgan murojaatlar bilan tizimli ishlash boʼyicha topshiriqlar berildi.

SSP Axborot-xizmati