Fuqarolar murojaatlari bilan ishlashning yangicha tizimi aholi tomonidan yigʼilib qolgan koʼplab muammoli masalalarning amaliy yechimi boʼlib xizmat qilmoqda

Joylarda rahbarlar tomonidan aholi bilan sayyor uchrashuvlar oʼtkazilib kelinmoqda. Xususan, joriy yilning 31-iyul kuni Shirin shahar sektor rahbarlari boshchiligida Bunyodkor mahallasida sayyor qabul oʼtkazildi.

Oʼtkazilgan sayyor qabulda jami 22 nafar fuqarolar qabul qilinib, uchrashuvda murojaatchilar tomonidan moddiy yordam olish, kommunal xizmat koʼrsatish, obodonlashtirish, bank-kredit va boshqa masalalar koʼtarildi.

Sektor rahbarlari, tegishli masʼul rahbarlar sayi-harakati natijasida koʼplab murojaatlar joyida ijobiy hal etildi. Raqamlarga toʼxtaladigan boʼlsak, oʼtkazilgan mazkur sayyor qabulda jami 28 ta murojaatdan 11 tasi joyida ijobiy hal etildi, 6 ta murojaatchiga huquqiy tushuncha berilgan boʼlsa, qolgan 11 tasi qatʼiy nazoratga olindi.

Shirin shahrida sektor rahbarlari ishtirokidagi ommaviy qabullar va aholi bilan sayyor uchrashuvlar davom etmoqda.

SSP Axborot-xizmati