Ohangaron shahrida oʼquv seminarlarni muvaffaqiyatli tamomlagan yoshlarga sertifikatlar topshirildi.

Ohangaron shahrida “Har bir tadbirkor-yoshlarga madadkor” tamoyili asosida tashkil qilingan oʼquv seminarlarni muvaffaqiyatli tamomlagan yoshlarga sertifikatlar topshirildi.

Habaringiz bor, Ohangaron shahrida “Yoshlar daftari”ga kiritilgan doimiy bandligi taʼminlanmagan, tadbirkorlik faoliyatiga qiziqish bildirgan yoshlarni “Har bir tadbirkor-yoshlarga madadkor” tamoyili asosida tadbirkorlik va biznes koʼnikmalariga oʼqitish boʼyicha 5-guruh darslari tashkil etilgan edi.

Tashkil etilgan 48  soatlik darslarda yoshlarga mutasaddi tashkilot hodimlari tomonidan tadbirkorlik faoliyati mazmuni va mohiyati, eng yaxshi biznes gʼoyani izlash,korxonani tashkil qilish va uning huquqiy asoslari, tadbirkorlik subyektlarining davlat roʼyxatidan oʼtkazish tartibi, kichik biznes va korxonani boshqarish sirlari, marketing va mahsulotlarni samarali sotish mavzularida dasturlashtirilgan oʼquv reja boʼyicha maʼruza va seminarlar oʼtildi.

Mazkur guruhni muvaffaqiyatli tamomlagan 21 nafar yoshlarga maxsus sertifikatlar topshirildi.

SSP Axborot-xizmati