Savdo-sanoat palatasi PR sohasida ko‘p yillik tajribaga ega bo‘lgan kompaniyalarni Palata tomonidan yaratilgan biznes-inkubatorlar faoliyatini targ‘ib qilish uchun ishga qabul qilish boshlanganini e'lon qiladi.

Savdo -sanoat palatasi BMTTD ishtirokidagi "Farg‘ona vodiysida qishloq xo‘jaligi tadbirkorligini rivojlantirish" loyihasining biznes-inkubatsiyasi va mentorligini amalga oshirish doirasida ommaviy axborot vositalari va turli ijtimoiy tarmoqlarda shartlar asosida Palata tomonidan tuzilgan Biznes-inkubatorlar faoliyatini targ‘ib qilish uchun  PR va marketing bo‘yicha ko‘p yillik tajribaga ega bo‘lgan kompaniyalprni ishga qabul qilish boshlanganini e'lon qiladi.

Loyihaning asosiy maqsadi qishloq xo‘jaligi korxonalari va tadbirkorlikni rivojlantirish hisobiga Farg‘ona vodiysida iqtisodiy imkoniyatlarni kengaytirish va ish o‘rinlarini ko‘paytirish, shuningdek, o‘z ishini boshlayotgan tadbirkorlarga amaliy va konsalting yordamini ko‘rsatishdir.

Nomzodlarga qo‘yiladigan asosiy talablar:

1. PR va marketing sohasida kamida 3 yillik ish tajribasi (ijtimoiy tarmoqlarda marketing, PR va reklama yo‘nalishida xalqaro tashkilotlar bilan ishlash tajribasi ma'qullanadi).

2. Loyihada ishlash uchun kamida 3 ta xodimni ajratish imkoniyati:

• o‘zbek, rus va ingliz tillarida gaplashish;
• grafik dasturlarda (CorelDraw, Photoshop, Illustrator), shuningdek asosiy MS Office dasturlarida ishlash;
• SMM (Instagram, Facebook, Yutub sahifasi, telegram kanalini yuritish, nashrlar jadvalini ishlab chiqish, kontent rejasi (matn, video va rasm) maqsadli reklama);
• PR va marketing asoslarini yaxshi bilish;
• Zarur hollarda viloyatlarga xizmat safariga borish imkoniyatiga ega bo‘lish.

3. Loyihani ilgari surish uchun dastlabki  PR strategiyasini ishlab chiqish va xaridor bilan har 6 oyda yangilangan PR strategiyasini tasdiqlash.

Tanlovda ishtirok etish uchun zarur hujjatlar ro‘yxati:

• Tashkilot haqida to‘liq ma'lumot
• Davlat ro‘yxatidan o‘tkazilganligi to‘g‘risidagi guvohnoma.
• Loyihaga jalb qilingan xodimlarning rezyumesi.
• PR va marketing (xalqaro) sohasidagi turli loyihalardagi ishlarning batafsil tavsifi bilan tashkilot faoliyati to‘g‘risida ma'lumot.
• Dizaynerlar ishidan namunalar.

Ro‘yxatda ko‘rsatilgan barcha hujjatlar fayl papkasida bir vaqtning o‘zida to‘liq va qog‘oz shaklida O‘zbekiston Savdo-sanoat palatasiga (Toshkent shahri, A.Temur shoh ko‘chasi, 4 –uy) topshiriladi.

Hujjatlarni topshirishning oxirgi muddati - 20.08.2021

Qo‘shimcha ma'lumotni quyidagi telefon orqali olish mumkin: (+99878) 1506006 (ijrochi direktor A. Seytekov)

Texnik topshiriqlar bilan bu yerda tanishishingiz mumkin (xujjat rus tilida)

SSP Matbuot xizmati